I natt sov eg rimeleg bra, eg sovna i ti-tida i g\u00e5r kveld, noks\u00e5 tr\u00f8ytt, eg vakna til i tre-tida, men sov s\u00e5 vidare til klokka var sju. S\u00e5 kanskje eg klarer i finne den nye d\u00f8gnrytmen noks\u00e5 raskt denne gongen \u2013 eg h\u00e5par i alle fall det. Det synet som m\u00f8tte meg i vindauget i dag tidleg var ikkje akkurat oppl\u00f8ftande, det var sn\u00f8kvitt ute, og det var ogs\u00e5 kaldt \u2013 godt under frysepunktet og kald vind. Eg tok det litt med ro fr\u00e5 morgonen, s\u00e5g litt i nettaviser, fekk meg litt frukost og hadde litt kontakt med gamlelandet. Deretter sette eg kursen ned mot Zumbrota sentrum for \u00e5 sj\u00e5 meg litt rundt. Som venta hadde ikkje denne sm\u00e5byen s\u00e5 veldig mykje \u00e5 vise fram, det einaste var kanskje den gamle brua over Zumbro-elva. Dette er ei bru med overbygd tak, noko som visstnok var vanleg p\u00e5 1800-talet, no er dette den einaste overbygde brua som st\u00e5r igjen i Minnesota. Eg hefta ikkje s\u00e5 veldig lenge som bruarkitektur-student, \u00e5 inspisere dette byggverket var unnagjort p\u00e5 mindre enn ti minutt. Deretter sette eg kursen mot Wisconsin for \u00e5 ta ein liten tur p\u00e5 \u00abmemory lane\u00bb i La Crosse. Her m\u00e5 det ha vorte gjort mange store endringar, eller kanskje er det berre det minnet mitt som har g\u00e5tt igjennom ein litt hardhendt redigeringsprosess. Men eg fann da universitetet utan s\u00e5 veldig store vanskar, og eg fann ogs\u00e5 igjen huset der eg ein gong budde (og alt dette heilt utan \u00e5 bruke GPS). Deretter sette eg kursen opp til Westby der eg skal vere dei neste dagane. Eg var innom Borgens og fekk meg \u00abkj\u00f8ttkakur\u00bb til lunsj \u2013 men det var ikkje kjentfolk \u00e5 sj\u00e5 der denne gongen. Eg sjekka s\u00e5 inn p\u00e5 Old Towne motel f\u00f8r eg kontakta Larry. Han var litt bekymra fordi han trudde at eg skulle kome dagen f\u00f8r, men vi avtalte \u00e5 m\u00f8tast for \u00e5 ete \u00abs\u00f8ppel\u00bb i 6-tida. Ettermiddagen vart roleg, eg var ein snartur bortom Viroqua for \u00e5 hamstre batteri og kj\u00f8pe meg pr\u00e6riet\u00f8flar. Ut over det gjorde eg ingenting og eigentleg var det ogs\u00e5 litt godt, for i morgon startar feltarbeidet, og da er det jo greitt \u00e5 vere litt utkvilt.<\/p>\n
Litt f\u00f8r klokka seks tusla eg over til restauranten, og dei f\u00f8rste som da kom inn d\u00f8ra var Sandra og Ron, og like etter kom Larry og Gary. Det var veldig triveleg \u00e5 treffe dei igjen, \u00e5 kome til Westby er nesten som \u00e5 kome heim. Larry ville helst snakke norsk, men det er litt upraktisk n\u00e5r dei andre ikkje forst\u00e5r s\u00e5 mykje av dette fantastiske spr\u00e5ket. Han var i toppslag, og i l\u00f8pet av stunda vi var der, fekk han gjort nye avtalar ned kjenningar p\u00e5 restauranten for dei neste dagane, i tillegg til dei han alt har skaffa. Vi m\u00f8tte ogs\u00e5 Paulene, enka etter Howard, ein av grunnpilar-informantane v\u00e5re her borte. Ho Pauline er sterk, men det er sj\u00f8lvsagt ikkje lett \u00e5 bli \u00e5leine.<\/p>\n
I morgon klokka ni startar vi opp, og dette trur eg skal bli moro, det bruker jo gjerne \u00e5 vere det. Det eg ser mest fram til, er ein familie i Readstown: Ron har vore i kontakt med dei, og dei vil gjerne m\u00f8te meg \u2013 h\u00e5pet er at vi f\u00e5r det til i morgon, viss ikkje f\u00e5r det bli ein av dei andre dagane. Det som gjer denne familien spesiell, er at det er mor og barn. Mora er teknisk sett 3-generasjonsinnvandrar (mora hennar var f\u00f8dd i Broklyn, men flytta heim nokre \u00e5r f\u00f8r ho returnerte igjen), dama er i 40-\u00e5ra og snakkar norsk, og det gjer ogs\u00e5 barna hennar \u2013 og dei er i skolealder, den yngste meinte Ron m\u00e5tte vere 6-7 \u00e5r! Dette b\u00f8r bli bra \u2013 h\u00e5par eg! Ron skal ringe p\u00e5 nytt i morgon tidleg for \u00e5 gjere avtale, s\u00e5 da veit eg litt meir.<\/p>\n
No har klokka her passert ni p\u00e5 kvelden, og eg tek til \u00e5 bli tr\u00f8ytt \u2013 om ikkje lenge (men helst ikkje f\u00f8r ti dersom eg p\u00e5 ekspressfart skal klare \u00e5 snu d\u00f8gnrytmen her) er det nok sengetid for slike som meg. Dessutan m\u00e5 eg snart tenke p\u00e5 det vidare programmet, eg har husrom her i byen fram til onsdag, deretter hadde eg tenkt \u00e5 flytte litt p\u00e5 meg. Lac qui Parle er ei mulegheit, Iola er ei anna. Vi f\u00e5r sj\u00e5 kva det blir til.<\/p>\n
Og slik g\u00e5r nu dagan \u2026.<\/p>\n","protected":false},"excerpt":{"rendered":"
I natt sov eg rimeleg bra, eg sovna i ti-tida i g\u00e5r kveld, noks\u00e5 tr\u00f8ytt, eg vakna til i tre-tida, men sov s\u00e5 vidare til klokka var sju. S\u00e5 kanskje eg klarer i finne den nye d\u00f8gnrytmen noks\u00e5 raskt denne … Les videre